من هؤلاء الذين ارى؟؟؟؟؟؟؟

هل هم حقا اهل غزة الذين عهدتهم سنين مضت أم انهم الغزييون الجدد!!!!!!!!!!!!!!!

بعد كل هذه المهاترات بالدم الفلسطيني بأيدي الأخوة و اعتقادي الزائف بأن هذه أخر الانتكاسات و لكن ما أراه أنها و الله أعلم ما هي إلا البداية نكتة الحصار الغذائي و ثورة الجياع التي مزقت قلوب العالم المخدوع بنا و على رأي "حسني مبارك " سيبوهم دول جيعانين !!!!!!!!!

مين هدول احنا ب غزة جيعانين؟!!!!!!! لا أعتقد ذلك

لقد مزق قلبي ما رأيته من تفجيرات و هدم لمعبر رفح مع مصر الشقيقة و شغل العصابات و البلطجة الذي نفذه جماعة عصر الظلام الجدد و أصحاب راية معا و سويا حتى اخر حركة" قطاع" الطرق من أرض القطاع , و زي ما شفنا على الجزيرة مباشر " تحية للكتائب عز الدين " بدل ما تكون هذه الهتافات تحية للعمليات ضد اسرائيل صارت تحية للي بيهدوا المعبر

كإنه احنا ناقصنا ضياع و عدم استقلالية ت إجوا عالم دمروا اخر معالم النظام

و طبعا هلأ نظرا للظروف الحصار ما حدا بيرالبط على الحدود كل مقاوتنا قاعدين بيتاجروا على المعبر و بينقلوا بضاعة

و بعد هذا و هاد قال شو راحوا الجوعانين يجيبوا من مصر !!!!!!!! راحوا يجيبوا "موتوسيكلات" و "دخان" و "معسل تفاح " طبعا ما رح نجيب سيرة الممنوعات لانه احنا بعهد الخلافة الاسلامية ……… و انا بكل صراحة ما سمعت الناس بتحكي عنها

بس رح اقبس كلمات ماما اللي نزلت على العريش منشان أختي اللي بدها ترح لدراستها بمصر بس للأسف ما رضيوا المصريين يختموا جوازات السفر فبالتالي الاشي الوحيد اللي كان متأملينوا من هي الحركة ما ضبط

المهم ماما ردا على كلام سواق سيارة الشحن اللي ركبت فيها لما قلها مش انتم جيتم و اشتريتم الأكل اللي عاوزينه لانكم جيعانين

ماما و بكل انفعال ردت" و الله انتم الجوعانين و مش حاسين على حالكم " " احنا مشكلتنا انوا احنا في خير و عز ما بيعلموا الا الله بس مشكلتنا ما بنقول الحمدلله"

و طبعا لما شافوا تجار العريش قديش الدولارات تبع الفلسطينية ردوا قالولهم " و الله احنا اللي بالحصار مش إنتم"

طبعا أنا نفسي انه حدا من غزة عندوا رأي مخالف لرأي انوا اللي صار بمعبر رفح مهزلة و مسرحية فاشلة لأنه هذا ما فك الحصار هذا حسسنا قديش لازم نكون خجلانين من تصرفات قيادتنا الصبيانية و بعدها عن الحل الجوهري لانه مشكلتنا ما باعتقد  بفتح المعبر حتى نتبضع كانوا بسوق

احنا بدنا حل لمشاكلنا السياسية على أساس واضح المعالم مش إنه استعباط و كل يوم بحال

و ما بدنا نضل ناخد مسكنات بالعضل لأننا تورمنا من كتر ما أخدنا إبر ما عادت تخفف الوجع

و كافي مقامرة بمستقبل غزة و قوت حياتها

ارجو من الاعلاميين نشر الحقائق ف نحن هنا لم نجع

و برأي ان الصومال و السودان و حتى مصر في حالة انسانية اقل منا بكثير

اذا اردتم مساعدتنا حقا ف يجب ان تفكروا معنا كيف تصبح لنا دولة قائمة

و ليس ان تعطونا اليوم كيس طحين و تسلبوننا كياننا و تبقى انفاسنا محاصرة و الحرية عنا ببعيد

أنا طول عمري فخورة بأني من غزة

و لكن هذا الكلام صدقوني لم يعد الحال كما كان ف غزة الان غارقة في ظلام الجهل و الظلم و الكراهية و الغباء اللاسياسي

و ما خطر على بالي إللا أن اقول

" هذه النهاية لم تكن يوما لنا"

"  هذه النهاية قمة المأساة"

و السلام

على فكرة هذا ما خطر في بالي دون صياغة و دون تدقيق أو حذف